مدرسة حلب الشهباء مش لاقى شيء تشارك بيها الحل هنا

السلام عليكم ورحمة الله وبركاته
بنتعلم فى مدرسة حلب الشهباء
كيف تشارك بمواضيع حتى ولو مش لاقى شيء تشارك بيها
الموضوع بسيط واتكلمت فيه مع بعض مسئولين اصدقاء بلاد الشام
لكن هايكون الموضوع دة للأفادة لينا كلنا علشان لو حد حابب يضيف جديد
بعض المشرفين والمشرفات بيكونو بدهم يقدمو مواضيع لكن مش عارفين يقدمو جديد
وهنا نحاول مع بعض نبتكر طرق لأضافة مواضيع جديدة هادفة ذات افادة للجميع
فى مواضيع كتير لكل واحد فينا متنوعة فى اغلب أقسام المنتدى
ممكن تعمل موضوع مجمع بيتكلم عن شغلة واحدة زى مثلاً الغفران فى القرآن الكريم
ونبداء نجمع كل شيء عن الغفران ( يكون موضوع شامل )
وكذلك فى أى مجال الأيات أو تفاسير أواحاديث النبوية أو ...... شبكة الأنترنت مليانه بمواضيع تخص ما تبحث عنه
كذلك أقسام اخرى ممكن تعمل فيها نفس الفكرة ...
ممكن كمان لو ليك موضوع كبير ممكن تقسمة وتقدمة فى عدة مواضيع منفصلة هادفة
شيء كمان لو فى سير الصحابة او الأنبياء او اى موضوع ليك
تقدر تترجم الموضوع للأنجليزية او الفرنسية وتنزلة فى قسم اللغات
والترجمة هتكون عن طريق ترجمة جوجل مشان الأجانب
كمان ممكن اجمع أيات من المنتدى عن الرحمة * التسامح * الغفران ......
وممكن أترجمها ( الأية بالعربى والأنجليزية أو الفرنسية ) وممكن كمان من خلال المواضيع القديمة لأعضاء غير متواجدين منذ فترة طويلة جدا اكثر من سنة أخد منها فكرة تكون هادفة أعمل موضوع باسلوبي يعود علينا بفائدة
لكن الغير مرغوب فيه ومرفوض فى اصدقاء بلاد الشام ان حد ينسخ موضوع كما هو من مواضيع القديمة لان المكرر ممنوع
وكذلك ممنوع أخد موضوعة وأقسمه عدة مواضيع او اخد حاجاته واشارك بيها فى مواقع التواصل الإجتماعى وانسبها لنفسى ..
طبعاً دة أسلوب مرفوض ومينفعش حد يعمل كدة خالص ... بالعكس ممكن انبه صاحب الموضوع انه ممكن يعمل بالفكرة دى
ممكن لو عجبنى جزء فى موضوع لأحد أعضاء المنتدى وحابب انى اخذ الفكرة واعمل موضوع عليه لازم استأذنه فى ذلك علشان مايكون فى حساسية واخد بالى انى مااكرر هيك معاه لكن كل واحد له كامل الحرية فى مواضيعه يقدمها بأشكال مختلفة مجمعة * منفصلة * اقتباسات * سلسلة أحداث ....... فى النهاية لازم يكون أى موضوع له هدف ومعنى ومنسق يليق بالاصدقاء بلاد الشام وضع أى موضوع فى مكانه المناسب يدل على الرقى بأقسام حلب الشهباء ليس الهدف كثرة المواضيع ولكن أن تصل الصورة بعدة طرق لكل من يبحث عنها فالهدف المشاركة والسعى فى تقديم مواضيع مختلفة بطرق مميزة ومفيدة
الله يوفق الجميع دائماً
يتبع 😁

ناطق العبيدي معجب بهذا

نكمل الموضوع * بلسان حال المراقبين كتير كنت منهم * بيسألو الأسئلة هذه :- طيب أنا بدي انزل المواضيع الحصرية أو الجديدة غير مكررة بس مش عارفين كيف ؟
أنا بدي أشارك كتير بس أجيب منين موضوعات ؟ أنا بدي أعرف فلان وفلانة بيجيبو وقت منين لكل المشاركات اليومية هذه ؟؟ نحن مش عارفين نقدم افتقاد ولا ترفيه ولا أوزع وأقسم وقتى فى المنتدى كيف ؟؟ اجابة أول سؤالين والحل للمشكلة هذه تكمن فى :-
1/مصدر دائم للمواضيع التى سيتم نسخها
2/ مصادر متعددة أجمع منها بيانات علشان أقدر أدعم بيها مواضيع من تأليفك
أولاً المصدر الدائم للموضوعات
اليوم السابع (هنلاقى فيه مواضيع تنفع لقسم " طب - ثقافى - أخبار - طبخ - تكنولوجيا - كل أقسام المرأة - السياحة - الاقتصاد - الإسلامي )
المصرى اليوم (هنلاقى فيه مواضيع تنفع لقسم " طب - ثقافى - أخبار - طبخ - تكنولوجيا - كل أقسام المرأة - السياحة - الاقتصاد )
مجلة سيدتى ( هنلاقى فيه بالاضافة للسابق موضوعات للعرائس والأزياء)
مجلة المجلة
مجلة الجميلة
جوجل
اليوتيوب ( هنلاقى فيه " اناشيد اسلامية - احاديث النبويه الشريفة - الصحابة - قصص انبياء للاطفال - قصص تاريخية اسلامية - القرآن الكريم - مقاطع متنوعة )
صور جوجل( نختار مثلاً صور المسجد الأقصى - عيسى عليه السلام في القرآن الكريم - الأنبياء - سيرة رسول الله صلى الله عليه وسلم- حكم وعبارات <دى تنفع لقسم الصور > خلفيات موبايل - خلفيات كمبيوتر - كاريكاتير - صور مضحكة .. الخ
بس نخلى بالنا بالنسبة ببحث فى (صور جوجل أو اليوتيوب) فى أدوات البحث الوقت يكون منذ 24 ساعة علشان نتأكد أن الصورة جديدة أو الفيديو جديد .
المنتديات الأخرى الإسلامية ( و دول تقريباً هما اللى بينقلوا مننا * بس أكيد هتلاقو مواضيع عندهم جديدة حصرية )
المواقع الإسلامية الفتاوي ( مثال اسلام ويب وسؤال وجواب و ابن باز وغيرهم الكثير والكلام هذه كمان هتلاقو عندهم جديد كتير بس دينية )
الفيسبوك ( معظم البوستات تنفع فى قسم الصور أو ترفيهي " بس لازم نتأكد أن التوبيك مش متكرر لأن فيه كتير بوستات بتكون متكررة - بالاضافة الى الموضوعات إسلامية والموضوعات العامة اللى بنشوفها فى صفحات الفيسبوك
الواتساب( كلنا عندنا مجموعات على الواتس ونراسل بعض داايماً بموضوعات كتير / ممكن ننشرها -- مع مراعاة كمان عدم التكرار وان الموضوع يكون مناسب لمنتدانا).
ثانياً مصادر متعددة لجمع معلومات
أدعم بيها موضوع هيكون من تأليفك
كل المصادر السابقة تقدر تدعم بيها موضوعك الخاص بيك
ممكن نستعين بالأيات القرآنية والتفاسير من موقع القرآن الكريم أو السنة
ممكن نكتب فى بحث جوجل "اسم الموضوع اللى تتكلم عنه" هيظهرلك كتب ومراجع موثقه تقدر تدعم بيها موضوعك وانت متطمن
ممكن تستعين بقى ببرامج تفيدك فى تصميم الصور والفيدوهات زى ( الفوتشوب وغيره )
ممكن تشوف المناسب وتحاول تكتب عنه بنفسك أو تصمم صورة أو فيديو ليه فمثلاً ( تقدر تعمل بحث كامل عن شهر رمضان وتنشره فى المنتدى أو تصمم صورة / فيديو يخص المناسبة العظيمة هذه )
ثالث ورابع سؤال أنا عايز أعرف فلان وفلانة بيجيبو وقت منين لكل المشاركات اليومية هذه ؟؟
نحن مش عارفين نقدم افتقاد ولا ترفيه ولا أوزع وأقسم وقتى فى المنتدى كيف ؟؟
الاجابة هى اختيار الوقت المناسب وتنظيمه
1/ اختيار وقت الفراغ وتحديد مدة معينة هنكون مبسوطين انك قاعد 10 ساعات على المنتدى بس هذا هيكون على حساب اليوم اللى بعده .
دايماً اختار الوقت ومدة المناسبين .
2/ تنظيم المدة هذه " نقول مثال ساعيتن "
- هاخد 10دقيقة أسأل على أخواتى وأعرف أحوالهم
- 10دقيقة كمان أتابع رسايلى على المنتدى
10دقيقة أرد على المواضيعي بشُكر المرور
40:20 دقيقة أرد على المشاركات الجديدة بتاعة أخواتى وأشكرهم على مواضيعهم وأتعلم منهم
راحة 15 دقيقة اكل فيها واشرب وادخل حمام وووووو
40:20 دقيقة أنشر مواضبع جديدة كما تم توضيح ذلك من قبل
10دقيقة مشاركة كل المواضيع الجديدة بتاعتك وبتاعة اخواتك على حسابك فيسبوك أو واتس ..
وقت النوم نغلق المنتدى
الخ الخ
ونعيد النظام يوميا
طولت عليكم معلش
الله يوفق الجميع لما يحبه ويرضاه
منقول مع تعديلات بسيطة تناسب منتدانا

يسلمووو تاج

تاج النساء معجب بهذا

الله يبارك فيك اختنا الغالية على المعلومات