تهديد بالطلاق

ابو العيال عاطل عن العمل..
دايم بين فترة وفترة يهددني بالطلاق
اعوذ بالله من الشيطان الرجيم ولاحول ولاقوة الابالله العلي العظيم
صبرت عليه سنوات.. مافي فايدة..
مهما سويت.. كني انفخ في قربة مقطوعة!!
الكلام بيني وبينه بالواتساب،
من اسبوع كنت تعبانة نفسيا لأني مسوية خلع ضرس جراحة
وكان يبيني اروح اطلع العيال من المدرسه وماقدرت من التعب، وطفا علينا المكيف عقاب انا والعيال، وشرحت له ظروفي، ولا اهتم!!
قام وطلب من احد العيال يجيب الريموت وطفا المكيف
تعبنا من الحر.. رحت وكلمته.. ولافي فايدة.. قام يهددني بالعصا.. يبي يخوفني مثل مايخوف العيال، وانا ظليت احاول معه، يعطيني الريموت، وضربني بالعصا، واخذتها منه، وعصب علي وطردني وانا رفضت اطلع من البيت، وخذ جوالي، والحمدلله قدرت اخذه، قال لي انتي خلصتي الدورة،
وانا ابتعدت عنه، فهمت قصده،، أي مواجهة معه مافي حوار ولاتفاهم، دايم يطلعني الغلطانة، حتى لو العيال غلطوا!! دايم انا السبب!!
ارسل لي انه سوى موعد مع المحكمة، دايما يهددني، لو يبي يطلق كان طلق وانا في البيت.. ليه يبي اروح معه المحكمة،
يقول انتي ماعندك كرامة، وانا ابي احافظ على بيتي وأربي عيالي ومابي حد يتشمت فيني، وهو مايحس فيني،
اليوم كان مهددني بأنه موعد المحكمة،، وعشان احد العيال تعبان وغايب عن المدرسة يقول بيأجل الموعد..
تعبت من هالقلق والله، مالي في المحاكم وسوالف المحاكم، بس هو يحب المشاكل، ياليته يدور شغل، حتى ينشغل عني، حاط دوبي ودوبه، وانا في حالي ماعلي منه،
استغفر الله.. ابي افهم ليه يقلقني بموضوع المحكمة،
والناس اللي يطلقون لازم يروحون محكمة؟
اتمنى تفيدوني وجزاكم الله خير

تاج النساء معجب بهذا

شوفي عزيزتي من كلامك
فهمت انو انتِ غير موظفة
وماعندك مصدر رزق
لانك قاعده تحت رحمته
وماحد فينا بينصحك بالطلاق
بس بقولك شيء
الرجال ماينفع معهم
الا الكلمة الحلوة
مدام انتِ اخترتي تعيشي مع اطفالك
واخترتي تعيشين مع هذا الرجل في كل الاحوال اخترتي البقاء معه
بتعيشين معه خلاص
فنصيحتي لكِ
اصنعي لكِ معه ايام سعيدة
قولي له كلام حلو اعرف بعد معاملته السيئة
مات الحُب
لكن مثلي الحُب والكلمة الحلوة
واللمسات والهمسات الرقيقة
والله العظيم مهما كانت قساوة الرجال
يدوخ من الكلمة الطيبة والحنية
والاستقبال الطيب
والاهتمام ؛ وكلك نظر اكيد فاهمتني شو قصدي اهتمام وحنية ونظافة وريحة حلوة
مدام ربي بلاكِ بهذا العاطل الله يعينك عليه
استعيني بالله واحتسبي كل كلمة حلوة وهمسة حلوة له أجر من الله
عشان ربي يحفظلك بيتك واطفالك
انتِ من تصنعين سعادتك
اهتمي بنعومة جسمك وبشرتك وشعرك
واذا بدء بالمشاكل انتبهي تحطي راسك براسه وترفعين صوتك عليه
احرجيه بالكلمة الحلوة واللطف والحنان واللمسات
وبيصير مع الايام كدة طبعك وهيك منطقك
ادعي الله دايماً بالتسخير
ومهما حصل انتبهي تحطي راسك براسه
حتى ماتشتتين بيتك واطفالك
اسال الله العظيم
رب العرش العظيم
ان يسخره لكِ
ويقر عينك
بصلاح اطفالك
ويرزقك برهم