كيفية تكويد الاصناف على برنامج ادارة المخازن2023

طرق تكويد الاصناف وتطبيقها على برنامج اداره المخازن

يعنى ايه تكويد أصناف؟ وايه اهمية تكويد الاصناف ؟

وهل التكويد هايكون ليه اهميه لو كنت شغال دفترى أو على برنامج حسابات ومخازن؟

وايه هى طرق تكويد الاصناف الشائعه فى اى برنامج مخازن؟
خلينا نتفق ان عملية التكويد خطوه مهمه جدا فى تنظيم كل مايتعلق بالنظام المالى للشركة، وان التكويد لا يقتصرعلى الاصناف بس أو على تكويد الحسابات العامة بس، ولكن ممكن أكود الموظفين اللى فى الشركه وخصوصا لو كنت بشتغل على برنامج ادارة الموارد البشريه وممكن أكود العملاء والموردين بتوعى، وممكن كمان أكود انواع القيود بتاعتى.
التكويد مهم جدا فى اى شركه ايا كان نشاطها زى ماهنشوف فى مقالنا النهادره اللى بيتكلم عن التكويد بشكل عام وتكويد الاصناف بالتحديد وكمان تطبيقه فى برنامج اداره المخازن
و سواء كنت بتشغل دفترى او على برنامج حسابات ومخازن خلينا نتفق انك عشان تبنى نظام مخزنى على أسس سليمه فأول خطوه لازم تفكر بيها بعد انشاء المخازن بتاعتك وتكويدها هى انشاء دليل محاسبى شجرى شجرى للاصناف بيشتمل على تكويد الاصناف بشكل منتظم.
وعشان اهمية دليل الاصناف وتكويد الاصناف فى اى برنامج مخازن او فى دفاترك كمرحله هامه من مراحل انشاء نظام مخزنى متكامل خصصنا سلسة مقالات بتتكلم عن انك ازاى تنشأ دليل أصناف مخازن لشركتك بنتكلم فيها بالتفصيل عن دليل الاصناف وانشاء نظام مخزنى متكامل.
ودا الشكل العام لدليل الاصناف وتفرعاته كما يظهر فى برنامج حسابات ومخازن ضمن منظومة أكفليكس




يعنى ايه تكويد الاصناف ؟

وهل تكويد الاصناف هايختلف لوكنت بشتغل على برنامج مخازن ؟

ولو كنت بشتغل على برنامج حسابات ومخازن ايه افضل طريقه اكود بيها الاصناف بتاعتى؟

تكويد الاصناف يعنى ترميزها بمعنى انى ادى لكل صنف فى المخزن رقم معين ولازم الكود او الرمز اوالرقم الخاص بالصنف ده يكون مميز للصنف ده، بعنى ماينفعش تدى كود واحد لاكتر من صنف.
طرق تكويد الاصناف بتختلف من نشاط لاخر وحسب رؤية الاداره الماليه وتصورها للشكل العام، وفى اى برنامج حسابات ومخازن التكويد بيتم اوتماتيك، ولكن برامج الحسابات عموما بتختلف فى نسبة المرونه اللى بيوفرهالك برنامج مخازن الاصناف اللى بتستخدمه فى انه يكون ادامك اكتر من طريقه وشكل فى تكويد الاصناف الخاصه بك.
لو كنت بتشتغل فى برنامج حسابات ومخازن فافضل طريقه ممكن تستخدمها فى تكويد الاصناف بتاعتك هى انك تكودها وفقا للمخزن اللى بيتواجد فيه الصنف ووفقا للمجموعه اللى بينتمى ليها الصنف يعنى على سبيل المثال لو قولنا انا عندنا صنف كوده 001201 دا ممكن يعنى ان الصنف ده موجود فى المخزن اللى رقمه 001 ( مخزن الخامات مثلا) وتابع لمجموعة الاصناف اللى رقما 2 فى المخزن ده ودا طبعا اول صنف فى المجموعه دى ورقمه (01) .
اذا وفقا للطريقه دى لازم يكون عندى مخازن وادى لكل مخزن رقم مميز, وكمان لازم اقسم الاصناف المتجانسه على مجموعات واكود كل مجموعة أصناف برقم مميز وثالثا أكود الاصناف بتاعتى وفقا للمجموعه الرئيسيه والفرعيه ووفقا للمخزن اللى موجوده فيه بالتريب .
ايه اهمية تكويد الاصناف بأى طريقه من طرق تكويد الاصناف و سواء كنت بشتغل فى الدفاتر او الاكسيل او فى اى برنامج حسابات ومخازن؟

الميزه الاولي لتكويد الاصناف فى برنامج ادارة المخازن

فى تكويد الاصناف هى انى لو بشتغل على برنامج ادراة مخازن مش هاقدر أعمل اى حركه مخزنيه على البرنامج (حركة بيع , شراء , جرد , تسويه , هدر ....) الا لو كان الصنف ده موجود فعليا على النظام ودا لان اى برنامج مخازن بيتعرف على الصنف على انه كود او رمز اكتر مابيتعرف عليه على انه اسم.. ودا لان اسم الصنف ممكن يتغير او يتكرر انما الكود ماينفعش يتغير او يتكرر طبعا. ومن هنا لازم نعرف ان لو مافيش كود للصنف مش هايكون فى حركه على السيستم من أساسه.
الميزه الثانية لتكويد الاصناف فى الاكسيل او الدفاتر

وهى انى لوماكنتش بشتغل على برنامج مخازن وشغلى كله دفترى اوعلى الاكسيل فعملية تكويد الاصناف هاتكون مهمه بالنسبالى لان دليل الحسابات وتكويد الاصناف هايكون بمثابة استرشاد للمحاسب فى توجيهاته المحاسبيه و اصدار فواتيره واستخراج تقاريره وخوصا لو كنت بتشتغل فى اصناف كتير جدا .يعنى لو انت بتبيع شاشات وارد تصدر الفاتوره لشاشه من نوع معين باسم وتصدر فاتوره تانيه لنفس الشاشه باسم تانى وتصدر فاتوره تالته لنفس الشاشه باسم اخر ومن هنا هايحصل تضارب فى المسميات والتوجيهات المحاسبيه وكمان زى انك تشترى الصنف باسم معين وتبيعه باسم تانى ودا هايسبب مشاكل فى المراجعه بعد كدا بخلاف انه لوعندك دليل اصناف بيتضمن على تكويد الاصناف بشكل منظم هاضمن توحيد التوجيهات المحاسبيه وعدم التضارب حتى لوغيرت اسم الصنف أكتر من مره لانى بتعامل على كود مش على اسم.
الميزه الثالثه لتكويد الاصناف مع التعاملات الضريبية

فى تكويد الاصناف انه هايكون مهم لو كان ليا تعاملات ضريبيه لانه زى ما اتفقنا عدم توحيد مسميات الاصناف فى المعاملات زى البيع والشرا هايدى انطباع سيئ عن التنظيم فى الشركه وفى التوجيهات وبكدا ممكن يسبب اضرار كبيره للشركه فيما يتعلق بالتعاملات الضريبيه اما لو عندك نظام تكويد اصناف معين دا هايضمنلك التوحيد فى المسمي والتوجيه.
ماهى الطرق الاخرى فى تكويد الاصناف؟

زى ماتفقنا ان من المفترض انه فى اى برنامج حسابات ومخازن يكون فى نوع من انواع تكويد الاصناف بيتم اوتماتيك ودا بيكون الكود الاساسى للصنف بتاعى ولكن لو البرنامج بتاعك برنامج مخازن كويس هايديك المرونه الكافيه فى انك تكود الصنف بتاعك باكتر من طريقه ودى من اكثر الطرق شيوعا فى تكويد الاصناف واللى بيدعمها بشكل أساسى برنامج ادارة المخازن من أكفليكس
- التكويد وفقا للمخزن والمجموعه الرئيسيه والمجموعه الفرعيه.
- التكويد وفقا للمورد اللى بيبعلى السلعه .
- التكويد وفقا لطبيعة الصنف (خامات , منتج تام ....)
- التكويد وفقا للبد المنشأ للصنف.
- التكويد وفقا لاوزان الصنف.
- التكويد وفقا للالوان والمقاسات.
- التكويد وفقا لمكان الصنف فى المخزن.
- التكويد وفقا لوحدات الصنف .

أهم مزايا برنامج ادارة المخازن من أكفليكس فى تكويد الاصناف

- دليل أصناف مرن يتضمن تكوين شجرى للاصناف بدون حد ادنى للتفرعات.
- المرونه فى تكويد الاصناف باكثر من كود.وباكثر من طريقه حسب رؤية الاداره الماليه.
- تعريف الاصناف بأكثر من خاصيه مثل اللون والوزن والمقاس فى برنامج حسابات ومخازن أكفليكس .
- وجود أكثرمن طريقة فى تسعير المنصرف من المخزون على مستوى الصنف مثل الوارد أولا يصرف أولا والمتوسط المرجح.
- امكانية ربط الصنف الواحد بأكثر من وحده مثل الجرام والكيلو والطن.
- امكانية التحكم فى التوجيهات المحاسبيه المتعلقه بحركات الاصناف على مستوى الصنف الواحد او المجموعه او المخزن ككل.
- امكانية ربط حسابات التكلفه والايراد المتعلقه بالاصناف بمركز تكلفه على مستوى الصنف الواحد أو على مستوى المخزن ككل.
- امكانية التحكم فى التوجيه المحاسبى لايرادات وتكاليف الاصناف المباعه مع إصدار كل فاتوره.
- انشاء الاصناف الخدميه دون وجود كميات فعليه فى المخزن.

تقدر تجرب احدث واقوى برنامج محاسبة لادارة المخازن من اكفليكس وتتأكد من امكانياته بنفسك مرفق مع النسخة فيديو شرح للبرنامج المحاسبى ودليل خطوات تفصيلى.
وبكدا نكون شرحنا تكويد الاصناف باللتفصيل واهميته لو كنت شغال دفترى او على برنامج مخازن مع التطبيق على برنامج حسابات المخازن أكفليكس

رَاعِي غَنَمَ معجب بهذا