دام أخذت القلب

دام أخذت القلب .. تاركني لِمَن ؟!
اختصرها وخذني لك صورة وصوت

ياللي حُبـِّك عندي لا يمكن وَلَـن
أرضى إني بْغيره أحيا لين أموت

إنّي لك قررّت أسَجّلني عَلـَن
وْبسمك أختمها على روحي ثبوت

وشهو أحلا مْن الحياة .. إلاّ سجن
به سجين بْـحب سجّانه يموت

دام أخذت القلب..تاركني لِمَن ؟!
اختصرها وخذني لك صورة وصوت

حُبـه لك ما مَر على هذا الزمن
وْما يمر عادي على الدنيا ويفوت

اللي ما حَب نفسه قد ما فيك جَن
وش يسوّي وانتَ له زاد وقـوت

انتَ حاجة لا تًـقَـدّر بأي ثمَن
تُحفتي راحات نفسي مْن الشتوت

ضيّ عيني ضحكتي أهلي الوطن
روعتي حَبكة قصيدي في البيوت

وْقلبي لو له أمنيـة وْقالو تِـمَـن
والّذي ‏نجّا النبي من جوف حوت

ما يبي غيرك ولا إلغيرك يحن
لين خفقاته يِوَقـّفها السكوت

حُبـه لك ما مَر على هذا الزمن
وْما يمر عادي على الدنيا ويفوت

اللي ما حَب نفسه قد ما فيك جَن
وش يسوّي وانتَ له زاد وقـوت

جنان ,لولو معجبون بهذا