عازف الاحلام
04-06-2023, 11:25 AM
السلام عليكم ورحمة الله وبركاته
هذه القصيدة أبدأ بها منشواتي في المنتدى لأنها تؤثر في كثيييرا
هي عن الأب المربي يعني ليس أبي الحقيقي لكنه رباني وكبرت تحت جناحه رحمة الله عليه
هي من الشعر الملحون الجزائري الخاص بمنطقتنا
هو لن يكون مفهوما لبعض الأعضاء لذا فعذرا منهم سأحاول قريبا ترجمتها بالفصحى ان امكنني
وبارك الله فيكم
يوم العيد على الناس تقبل
واللي عندو حبيب لازم يغدالو
غير أنا بابا عني ما سول
من يوم لي راح ما ريت خيالو
موالف محال عني ما يغفل
ما يحلالو نوم حتى نعود قبالو
هذي المرة غاب وغيابو طول
ونسى كبدو موالفة تشور توالو
أبابا قلبي بوحشك راه شعل
أترجيتك قداش الايام طوالو
طل عليا غي سويعةولا أقل أبابا
نشاهد أوصايفك اذا مزالو
لو في رؤيا شوفني عليا طل
أبابا نحي عالقلب هبالو
في غيبك بقيت دون عقل
من بعدك ويناه ولدك سوالو
من بعدك ويناه بيا يتكفل
ويدبر عني ويسمع لأقوالو
نعم الصاحب كنت بيك نمثل
نشهد عنك بالوفاء والكمالُ
وتوصيني دايما نبقى راجل
وتبعدني على الوعر ما نصفالو
وأنا عَودي كان بيا يتمريل
زاهي بيك وحاس بالدنيا والو
ما فكرتش فيك بالزهدة ترحل
يوم الفرقة ما يجي أحد قبالو
كنت مسافر جيت نلقاك تقابل
تراجي فيا حال للباب قفالو
سولتك سولتني بعد الموصل
خليتك ومشيت ماعالم والو
حتى سمعت صوت نادالي عجّل
إجري باباك شوفلو واش درالو
نلقاه على اليمنى طاح مكسل
قلتلهم يا ناس بابا وش حالو
قالو دقت ساعتو والأجل وصل
حبو ربي راه شورو نادالو
يا ربي نرجو ليك ونتوسل
حسناتي كلها تكتبهالو
كلمات الشاعر / علواش
هذه القصيدة أبدأ بها منشواتي في المنتدى لأنها تؤثر في كثيييرا
هي عن الأب المربي يعني ليس أبي الحقيقي لكنه رباني وكبرت تحت جناحه رحمة الله عليه
هي من الشعر الملحون الجزائري الخاص بمنطقتنا
هو لن يكون مفهوما لبعض الأعضاء لذا فعذرا منهم سأحاول قريبا ترجمتها بالفصحى ان امكنني
وبارك الله فيكم
يوم العيد على الناس تقبل
واللي عندو حبيب لازم يغدالو
غير أنا بابا عني ما سول
من يوم لي راح ما ريت خيالو
موالف محال عني ما يغفل
ما يحلالو نوم حتى نعود قبالو
هذي المرة غاب وغيابو طول
ونسى كبدو موالفة تشور توالو
أبابا قلبي بوحشك راه شعل
أترجيتك قداش الايام طوالو
طل عليا غي سويعةولا أقل أبابا
نشاهد أوصايفك اذا مزالو
لو في رؤيا شوفني عليا طل
أبابا نحي عالقلب هبالو
في غيبك بقيت دون عقل
من بعدك ويناه ولدك سوالو
من بعدك ويناه بيا يتكفل
ويدبر عني ويسمع لأقوالو
نعم الصاحب كنت بيك نمثل
نشهد عنك بالوفاء والكمالُ
وتوصيني دايما نبقى راجل
وتبعدني على الوعر ما نصفالو
وأنا عَودي كان بيا يتمريل
زاهي بيك وحاس بالدنيا والو
ما فكرتش فيك بالزهدة ترحل
يوم الفرقة ما يجي أحد قبالو
كنت مسافر جيت نلقاك تقابل
تراجي فيا حال للباب قفالو
سولتك سولتني بعد الموصل
خليتك ومشيت ماعالم والو
حتى سمعت صوت نادالي عجّل
إجري باباك شوفلو واش درالو
نلقاه على اليمنى طاح مكسل
قلتلهم يا ناس بابا وش حالو
قالو دقت ساعتو والأجل وصل
حبو ربي راه شورو نادالو
يا ربي نرجو ليك ونتوسل
حسناتي كلها تكتبهالو
كلمات الشاعر / علواش