منتدى حلب الشهباء - مشكلتي بنتي غير شرعية أصبحت اختي

السلام عليكم ورحمة الله وبركاته
بسم الله الرحمن الرحيم
اللهم صلي وسلم على نبينا محمد وعلى آله وصحبه وسلم تسليما كثيرا
أريد أطرح مشكلتي لعلى ولعسى ألقي حلول منطقية وحلول تساعدني على حل مشكلة هذي
أعلم اني غلطانة ورح اموت من الندم ندمانة على عدد شعرات راسي بس حصل يلي حصل وهذا نصيبي من الدنيا
رح اقول مشكلتي بالتفاصيل لحتى تعرفون شنو حصل بظبط ربما ألقي حل عند أحد الناس ورح ادعيله من قلب
ربي يوفقه ويجبر في خاطره
رح ابدء في المشكلة بالتفاصيل
انا بنت مش متزوجة إطلاقا ولا مخطوبة بمرة عمري 30 سنة تعرفت على شاب عن طريق فيس بوك بالبداية كانت صداقتنا الأخوة مع مرور الأيام تطورت الصداقة إلى الحب أحببته أكثر بكثير من حبه لي
حبيته بكل قلبي وثقت فيه الثقة العمياء أصبح كل شيء في حياتي خلال سنة واحدة من تعارف تطورت العلاقة لهذه الدرجة وأكثر
بعد تعارف بالفترة طلب مني رقم الهاتف الجوال اعطيته من ثقتي فيه وتحولت العلاقة إلى جوال وصرنا نتكلم في موبايل 24 ساعة دون ملل أو كلل
تعلقت فيه وماعاد شفت غيره
بعد الفترة من العلاقة على موبايل طلب مني أعطيه العنوان البيت لحتى يتقدم لخطبتي صدقته واعطيته العنوان هدفي يتقدم لخطبتي ليس أكثر
وطلب موعد الزيارة اتفقت مع أهلي على ذلك وبناء على كلام أهلي اعطيته موعد لحتى يخطب طبعا أهلي مفكرين انه أخو صديقتي لا أكثر مايعرفون أن العلاقة متطورة لهذي درجة
المهم
وقت موعد الزيارة لم يجي وخجلني أمام أهلي لم يجي اعطيته العذر ربما حصل معه شيء ولما اتصلت بيه لحتى اعرف السبب عدم زيارته قال بالحرف الواحد اخته عملت حادث السير وهو الآن معها بالمستشفى وطلبت اسم المستشفى لحتى ازورها واقف معه في هالمهنة هو فيها لكنه رفض يعطني اسم المستشفى قلي مافي زيارات ممنوعة قلت طيب اوكي
بعد هالموقف حصل بدء يضغط علي أن لازم يجي الى البيت لوحده دون أهله وكذلك لازم مايكون في أهلي بالبيت نكون لوحدنا قلت له ليش قال هيك أفضل لي ولك وتاكدي رح اخطبك بس لازم اجي لعندك بالأول قبل أهلي يخطبوكي وافقت من ثقتي فيه وفعلا جاء على البيت وقت أهلي كانو برا البيت و عملنا العلاقة مثل متزوجين بظبط فهمكم كفاية
واهلي كانو عند اخوي نايمين مفكرين انا وصديقتي رح ننام مع بعض بالبيت يعني مفكرين أن صديقتي بدها تنام عندي
المهم
وقت سألته ليش عملت هيك قال لحتى أهلك يوافقو علي لازم نعمل العلاقة لحتى نحطهم تحت أمر الواقع
بعد هذه الحادثة تغير معي حبيبي 180 درجة ماعاد يهتم فيني بدء يذليني وقال لي بالحرف مين قلك اني بدي اتزوجك انتي بنسبة لي تسلية لا أكثر أقضي معها الوقت لا أكثر
بصراحة كلامه جرحني جدا بس قلت رح ارجع أحاول اكسبه من جديد كلما أحاول أتقرب منه أكثر كلما يصدني أكثر وأكثر
عذبني عذاب الموت وكل فترة يطلب مني العلاقة لحتى يرجعلي لازم انفذ كل طلباته وانا فعلا أصبحت أعطيه كل بدو ياه وانا مبسوطة لحتى بس يرجعلي
المهم
بعد عدة مرات تقريبا أكثر من مرة بعد سنة تقريبا من العلاقة المستمرة وانا عم بنذل بس عشان يرجعلي واذا رفضت كان يهددني بدو يفضحني أمام أهلي ومارح يرجعلي لهيك كنت متحملة العذاب بس عشان يرجعلي كان عندي بصيص أمل في رجعة كما كان سابق
المهم
بعد سنة من العلاقة شعرت بأعراض الحمل راحت لطبيب وتاكدت اني حامل في الشهر الثالث خبرت حبيبي في ذلك بدء يتهرب مني أكثر وأكثر لدرجة غير صفحته على فيس بوك و رقمه وكل وسائل التواصل بيننا ماعاد اقدر ارجعله ولا بالاحلام بعد عرف اني حامل منه
لكن كنت رافضة قصة الإجهاض ضد عقلي اقتل طفل ماله ذنب فكرت شو اعمل
قلت احسن شيء اعترف لأهلي بكل حصل طبعا اعترفت فقط لأمي مش كل أهلي
امي وقت عرفت صارت تلطم حالها وقالت جبتي لنا المصيبة وضربتني ضرب يجبر الجنين يموت لكن مامات وبستحق ذبح لاني غلطت غلطة عمري
المهم
امي ماسكتت خبرت ابوي وصارت مشكلة كبيرة بيني وبين ابوي وأمي ابوي جلس تقريبا شهر كامل مايكلمني إلا للضرورة وأمي نفس شيء ماحد عارف السبب زعلهم مني قالو لاخواتي واخواني أن كسرت الصحن لازم انتبه أكثر يعني مثل هيك لأنهم يعرفون اخواني اذا عرفو رح تصير جريمة القتل وأمي وأبي يخافو علي من الهواء برغم غلطي كبير
المهم
أهلي فكرو شو الحل طلع معهم كالتالي
بعد شهر رضيو عني وقالو لي عن الحل
الحل طلع معهم
أن أولد طبيعي مثل أي أحد لكن طفل بعد الولادة رح ينتسب لي يعني رح يأخذ اسمي اسم عائلتي و ورح يقولون للناس أن امي حامل وقت أولد على أساس ابني أخي فاهمين كيف فكرتهم عشان يتجنبو الفضيحة
فعلا سافرت انا وأمي خارج البلد لوحدنا دون اخواني واخواتي بس معي ابي لا أكثر وقلنا للناس أن امي حامل ولأنها كبيرة في العمر لازم تريح نفسيتها واعصابها وتغير جو لهيك رح تسافر لفترة ترجع بعد الولادة وانا عشان اساعدها في بيبي وأبي كمان أما اخواني واخواتي مايقدرون يسافرون لأنهم عندهم وظيفة كذلك متزوجين صعب عليهم ومشيت على الكل الخطة وفعلا سافرنا وجلسنا في بلد خارج بلدنا الأصلي 9 شهور وهي قالت إنها حامل في الشهر الثالث نفس الشهري
وفعلا بعد 6 شهور ولدت بنت تأخذ العقل من جمالها وانتسبت البنت لي كما خططنا وأصبحت بنظر الجميع اختي
وبعد ولادتي في 3 أشهر رجعنا للبلد الأصلي وهكذا حلينا المشكلة وأصبحت البنت في نظر الجميع اختي
برغم الحقيقة هي ابنتي
المهم
لها هالقصة 3 سنوات عمر اختي أقصد ابنتي الآن 3 سنوات وابوها الحقيقي اختفى انهائي وانا ندمانة على عدد شعرات راسي على كل حصل وضميري عم ينابني كلما اشوف ابنتي تقول لأمي ماما ولي اختي بحس النار في قلبي لازم تعرف الحقيقة بس كيف مش عارفة شو الحل ومشكلة امي وأبوي وحيدين يعرفو الحقيقة وانا بس لا أكثر
يعني اذا مات ابوي وماتت امي ومتت انا رح تموت سر البنت معنا
خايفة من عقاب الله كلما اقول لأمي خلينا نعترف ونحكي الحقيقة ترفض تقول حرام عليكي تعترفي في الحقيقة مشاعر البنت حرام عليكي تاذيها رح تنصدم وبعمرها مارح تسامحك خليكي بنظرها وبنظر الكل أختها وتحترمك وتحبك أفضل بلا تعرف الحقيقة وتحتقرك حتى لو كنتي أمها
وانا ضميري عم يانبني رح اموت من الندم
حتى ابوي نفس رأي امي
مش عارفة كيف أصلح الخطأ واعترف ل ابنتي واجيبها لحضني تعرف انها ابنتي مش اختي
ملاحظة هامة
الان عم يتقدم لي عرسان كثيرون بس عم برفض كل عرسان خوفا من الفضيحة وخاصة فهمكم كفاية ومابدي اتزوج بس كيف اقول الى ابنتي الحقيقة وماحد عارف أساسا مين أبو البنت
ملاحظة هامة
اكتشفت بعد انتهيت علاقتي بشاب كل معلومات اعطإني ياها عن حياته خطأ في خطأ حتى اسم عائلته كأنه كان وهمي يعني بنتي دون هوية لكن لأن أهلي ضموها الى العائلة وأخذت نسب ابوي أصبحت بنت طبيعية لها حقوق و واجبات مثل أي أحد في المجتمع
بس النار رح تاكلني من الندم مش عارفة كيف أصلح غلطي واعترف الى البنت والى الناس في الحقيقة
أهلي رافضين أحد يعرف أي شيء أقصد امي وأبي وحتى البنت رافضين تعرف الحقيقة شو اسوي رجاء المساعدة.